Wednesday, July 15, 2009

தமிழ் கடி ஜோக்ஸ்

சிரித்து வாழ வேண்டும்

ராமு: குரைக்கிற நாய் கடிக்காது
சோமு: ஏன்?
ராமு: ஒரே சமயத்துல இரண்டு வேலையை அதால செய்ய முடியாது, அதனால தான்.


அப்பா: எக்ஸாம் ஹால்ல போய் தூங்கிட்டு வந்துருக்கியே வெக்கமா இல்ல ?
மகன்: நீங்கதானே கேள்விக்கு பதில் தெரியலனா முழிச்சிகிட்டு இருக்காதனு
சொன்னிங்க.


சாலை விதியில் குறிப்பிட்டு இருந்த வாசகம்:
வாகனத்தை ஓட்டும் போது செல்ஃபோன் அழைப்பை எடுக்காதீர்கள், கூப்பிடுவது எமனாகக் கூட இருக்கலாம்!


" 100 என்ற எண்ணை சுழற்றுங்கள் & பாடுங்கள் இந்த பாட்டை ..."மாமா உன் பொண்ணைக் கொடு" & சென்ட்ரல்(புழல்) சிறையில் 3 மாத இலவச தங்கும் வசதியை அனுபவியுங்கள்.

பிரமுகர் ; எனக்கு 65 வயசு ஆகுது.. இதுவரை எதிரின்னு ஒருத்தர் கூட
கிடையாது..

தொ.கா. நிருபர் ; அட.. ஆச்சரியமா இருக்கே.. அய்யா சொல்லுங்க.. எப்படி இதை
சாதிக்க முடிஞ்சது..?

பிரமுகர் ; பசங்கள அனுப்பி போட்டுத் தள்ளிட்டா முடிஞ்சது..!
_______________________________

சென்னைக்கு எத்தனை மணிக்கு பஸ்..?

9 மணிக்கு..

அதுக்கு முன்னாடி எதுவும் இருக்கா..?

ஓ இருக்கே.. ரெண்டு டயர், லைட், கண்ணாடி எல்லாம் இருக்கு.

_______________________________

டாக்டர் ; ஏன் சார்.. எதுக்கு நர்ஸ் கையை தடவிப் பார்த்தீங்களாம்..?

நோயாளி ; நீங்கதானே சொன்னீங்க.. ஊசி போட்ட கையை தடவிக் கொடுங்கன்னு..!
_______________________________


மனைவி ; ஏங்க மருந்து பாட்டிலைத் தடவிக்கிட்டு இருக்கீங்க..?

கணவன் ; டாக்டர்தான் சொன்னார்.. கைவலிச்சா இதைத் தடவுங்கன்னு...!
_______________________________

ஒருவன்: "யோவ்! என்னய்யா அர்த்த ராத்திரியில அந்த வீட்ல இருந்து வேகமா
ஓடிவந்து கம்பியை நீட்டிப் பிடிச்சிக்கிட்டு நிக்கிறே?"

திருடன்: "நான் தொழிலுக்குப் புதுசுங்க! வீட்ல பூந்து பணத்தைத்
திருடிக்கிட்டு `கம்பி' நீட்டணும்னு என் தோஸ்த்து சொன்னாங்க..
_______________________________

"என்னங்க....நான் போட்டிருக்கிற இந்த கண்ணாடி நல்லால்லேன்னு சொன்னீங்க,
உங்களுக்கு இனிமே முத்தம் குடுக்க மாட்டேன்!"

"குடுக்கவே வேண்டாம்! ஏன்னா நான் பக்கத்து வீட்டுக்காரன்


"ஆடி மாத கோர்ட்டில் கேஸ் போடாதே என்று சொன்னனே!"
"என்ன ஆச்சு?"
"தள்ளுபடி ஆயிடுச்சு!"
***
."அந்த டாக்டர் ஒரு நாளைக்கு குறைஞ்சது நூறு பேரையாவது பார்ப்பாரு!"
"அவ்வளவு பிஸியா?"
"நீங்க வேற கிளினிக் வாசல நின்னு,ரோடுல போறவங்களை குறைஞ்சது நூறு போரையாவது பார்ப்பாருன்னு சொன்னேன்."
***
"அந்த டாக்டர் ரொம்ப பெரிய டாக்டர்... பதினெட்டு வயசுக்கு மட்டும்தான் ஆபரேஷன் பண்ணுவாராம்..."
"ஏன்..?"
"அவர் மேஜர் ஆபரேஷன் மட்டும்தான் பண்ணுவாராம்!"
***
"வயித்துல பண்ணவேண்டிய ஆபரேஷன் கால்லே பண்ணி வெச்சிருக்கீங்களே...டாக்டர்?"
"நீங்கதானே ஆபரேஷனைத் தள்ளிவைக்கச் சொன்னீங்க...!"
***
"அந்த டாக்டர்கிட்டே போனா மூணு வேளையும் கஞ்சிதான் குடிக்கணும்.."
"ஏன்..? "
"அவருக்கு ஃபீஸ் கொடுத்தக்கு அப்பறம் அதுதான் முடியும்!"
***
"உங்க ஓட்டலோட பிராஞ்ச் பக்கத்து தெருவுல இருக்கே.. இங்க உள்ள பலகாரத்துக்கும் அங்கே உள்ள பலகாரத்துக்கும் என்ன வித்தியாசம்?"
"ஒரு நாள்தான்!"
***
"நியூமராலஜிப்படி என் பேரை மாத்திக்கிட்டேன்!"
"சரி... அதுக்காக 'கல்யாண சுந்தரம்'ங்கிறதை 'ஜானவாச கல்யாண ரிசப்ஷன் சுந்தரம்'னு மாத்தியிருக்கறது நல்லாயில்லை!"
***
"பக்கத்து வீட்டிலே டி.வி. ரிப்பேராம்... உடனே ஒரு மெக்கானிக்கை அழைச்சுட்டு வாங்க..." "அவங்க மேலே உனக்கு என்னடி இவ்வளவு அக்கறை?"
"நான் இங்கே மெகா சீரியல் பார்த்து அழுத்துக்கிட்டு இருக்கேன். அங்கே அவங்க மட்டும் சந்தோஷமா இருக்காங்களே...!